Isa 46 | Ndebele | STEP | UBeli uyakhothama, uNebo uyazithoba ; izithombe zabo zazingezezifuyo, njalo zazingezezinkomo; imithwalo yenu ethwelweyo ingumthwalo e nyamazan eni ediniweyo .

Isaiah 46

Izithombe zeBhabhiloni kazilakusiza

1 UBeli uyakhothama, uNebo uyazithoba ^a; izithombe ^b zabo zazingezezifuyo, njalo zazingezezinkomo; imithwalo yenu ^{c
,} ^d ethwelweyo ingumthwalo enyamazaneni ediniweyo ^e. 2 Bayaguqa, bakhothame kanyekanye, kabalakophula umthwalo, kodwa bona ngokwabo baya ekuthunjweni ^f.

3 Ngilalela, ndlu kaJakobe, lensali yonke ^g yendlu kaIsrayeli, abathwalwa yimi kwasesibelethweni ^h, abasingathwe ⁱ kwasesizalweni ^j. 4 Kuze kube sekugugeni ^k nginguye ^l; yebo, kuze kube sebumpungeni mina ngizalithwala ^m; mina ngenzile, mina-ke ngizaphakamisa ⁿ, ngitsho mina ngithwale, ngikhulule.

5 Lizangifananisa ^o, lingilinganise, lingiqathanise lobani ukuze sifanane? 6 Bathulula igolide ^p esikhwameni, balinganise isiliva esilinganisweni, baqhatshe umkhandi akwenze unkulunkulu; bathi mbo phansi, yebo, bakhonze ^q. 7 Bametshata ehlombe ^r, bamthwale, bambeke endaweni yakhe, ame; angasuki endaweni yakhe. Yebo, umuntu ememeza kuye, kodwa kaphenduli ^s, kamsindisi enkathazweni yakhe. 8 Khumbulani lokhu, lizibonakalise liqinile ^t; kubuyiseleni enhliziyweni ^u, lina bahlamuki. 9 Khumbulani izinto zakuqala zendulo ^v; ngoba nginguNkulunkulu, njalo kakho omunye ^w; nginguNkulunkulu, njalo kakho ofanana lami; 10 engimemezela isiphetho kwasekuqaleni ^x, njalo kusukela endulo izinto ezingakenziwa, ngisithi: Icebo lami lizakuma ^y, njalo ngizakwenza yonke intokozo yami ^z; 11 engibiza inyoni edla inyama ^aa ivela empumalanga ^ab, umuntu wecebo lami evela elizweni elikhatshana ^ac; yebo, ngikhulumile, yebo, ngizakufeza ^ad; ngikumisile, yebo, ngizakwenza.

12 Ngilalelani, lina abalenhliziyo eziqinileyo ^ae, lina elikhatshana lokulunga. 13 Ngiyasondeza ukulunga kwami ^af, kakuyikuba khatshana; losindiso lwami kaluyikuphuza ^ag; kodwa ngizanika usindiso eZiyoni ^ah, udumo lwami koIsrayeli.